De Laurentiis សាកល្បងទិញកីឡាករ Dybala មកលេងនៅ Napoli ប៉ុន្តែបរាជ័យ
26-January-2016 | ដោយ មួយឡា
អគ្គនាយក Aurelio De Laurentiis របស់ក្លឹប Napoli បានអះអាងថា គាត់បានព្យាយាមក្នុងការទិញខ្សែប្រយុទ្ធ Paulo Dybala ពីក្លឹប Juventus ប៉ុន្តែក្លឹបមួយនេះបានធ្វើការបដិសេធមិនលក់កីឡាករវ័យ 22 ឆ្នាំរូបនេះនោះទេ។ កីឡាករ Dybala បានជួយស្រោចស្រង់ក្លឹប Juventus ដែលលេងអន់ចាប់ពីដើមរដូវកាលរហូតដល់មានចំណាត់ថ្នាក់លេខ 2 មានពិន្ទុទាបជាងក្លឹប Napoli តែ 2 ពិន្ទុប៉ុណ្ណោះ។
អគ្គនាយក រូបនេះបន្ថែមថា “កីឡាករ Higuain និង Dybala ជាកីឡាករពីរូបផ្សេងគ្នា ប៉ុន្តែខ្ញុំពេញចិត្តកីឡាករ Dybala ព្រោះគាត់មានទេពកោសល្យ និងសមត្ថភាព។ ប្រសិនបើកីឡាករ Dybala ពិតជាព្រមមកលេងនៅក្លឹប Napoli នោះយើងនឹងលក់កីឡាករណាម្នាក់ចេញ។ ទោះបី Juventus បដិសេធមិនលក់ក្តី តែយើងជឿជាក់ថាក្លឹប Napoli ពិតជាអាចប្រកួតប្រជែងជាមួយនឹងក្លឹប Juventus បាននៅរដូវកាលនេះក្នុងការដណ្តើមពានរង្វាន់ Serie A។”
ក្លឹប Juventus ជាក្លឹបអស្ចារ្យមួយដែលសាងកេរិ៍ឈ្មោះល្បីជាយូរមកហើយ ពួកគេមានគ្រូបង្វឹកល្អ ជាក្លឹបដែលល្អៗ ប៉ុន្តែក្លឹបរបស់យើងមិនដែលនៅក្រោមក្លឹបនេះរហូតនោះទេ។ ពេលនេះយើងឈរនៅកំពូលតារាងនឹងមានពីរពិន្ទុលើក្លឹប Juventus៕
ប្រភព៖ goal.com , sportkh
ចំនួនអ្នកទស្សនា
- ថ្ងៃនេះ5951
- ម្សិលមិញ4461
- សប្តាហ៍នេះ10421
- ខែនេះ32301
- ឆ្នាំនេះ32301
- សរុប20474757